Mirra
Fræðslu- og rannsóknarsetur um málefni innflytjenda.
FRÆÐSLA – RANNSÓKNIR – RÁÐGJÖF
Fræðsla og rannsóknir á innflytjendamálum, fjölmenningu og rasima eru sérsvið Mirru. Fyrirtækið býður upp á fyrirlestra, námskeið og vinnusmiðjur fyrir fyrirtæki, félagasamtök og hið opinbera. Rannsóknir, greiningar og úttektir á innflytjendamálum eru líka stór þáttur í starfseminni og Mirra veitir einnig ráðgjöf til einstaklinga, fyrirtækja, stofnana og sveitarfélaga.
Fréttatengt efni – hugleiðingar
Eru innflytjendur á Íslandi ‘bara’ vinnuafl?
Það eru ekki bara innflytjendur, sem þurfa að laga sig að íslensku samfélagi og menningu, heimamenn þurfa líka að leggja sitt af mörkum til að mæta þeim, hvort heldur á vinnumarkaði eða annarstaðar. Það þarf alltaf tvo í tangó, sama máli gegnir um samþættinguna. Fræðsla og skilningur á menningarlegum bakgrunni aðfluttra er ein leið að aukinni samþættingu.
Um hlutverk og sérþekkingu
Mirra veitir almenna og sértæka fræðslu, sem lýtur að menningarlegum margbreytileika – margbreytileika stjórnun (e. diversity mangagement), fjölmenningu og þeim fjölþættum áskorunum sem honum fylgja fyrir íslenskan vinnumarkað og samfélag í heild. Fræðsla er veitt í formi námskeiða, vinnusmiðja og fyrirlestra og sniðin að þörfum viðskiptavina hvort heldur stjórnenda á vinnumarkaði eða almennra starfsmanna.
Mirra vinnur að rannsóknum, greiningum og úttektum á innflytjendum, farandstarfsfólki og margmenningu í íslensku samfélagi. Rannsóknir eru fjölþættar og byggja á blönduðum rannsóknaraðferðum – eigindlegum og megindlegum.
Mirra veitir fyrirtækjum, stofnunum og sveitarfélögum ráðgjöf varðandi úrlausnir og áætlanir, sem lúta að verkefnum og áskorunum, sem fylgja fjölmenningu og íslenskri margmenningu.
Mirra byggir starfsemi sína á áratugalangri reynslu á sviði fræðslu og rannsókna.
Vissir þú að:
- Félagsmenn Eflingar stéttarfélags af erlendum uppruna árið 2020 eru: 53%
- Fjöldi innflytjenda 1. janúar 2020, fyrsta og önnur kynslóð var af heildarmannfjölda landsmanna, rétt um: 17 %
- Hlutfall barna og unglinga (0-16 ára) af fyrstu og annari kynslóð innflytjenda af heildarfjölda er: 10,5%
- Hlutfall innflytjenda af íbúum á Suðurnesjum þann 1. janúar 2020 var: 28%
- Fjölgun innflytjenda á Íslandi frá 2010 til 2020 var: 55%
- Á höfuðborgarsvæðinu bjuggu tæplega tveir þriðju allra innflytjenda á Íslandi 1.jan. 2020 eða: 64%
- Þann 1. janúar 2020 var hlutfall kvenna af innflytjendum á Íslandi: 45%
- Hlutfall Pólverja meðal innflytjenda á Íslandi var í upphafi árs 2020: 37%
- Í janúar 2020 var hlutfall innflytjenda á aldrinum 20-55 ára af öllum innflytjendum: 75%