Jaðarsetning í jafnréttisparadís – Innflytjendakonur í umönnun á leikskólum – Ný rannsókn Mirru

Jaðarsetning í jafnréttisparadís – Innflytjendakonur í umönnun á leikskólum – Ný rannsókn Mirru

Mirra vekur athygli á nýútkominni rannsóknarskýrslu, sem ber heitið: Jaðarsetning í jafnréttisparadís – Innflytjendakonur í umönnun á leikskólumSkýrslan byggir á rannsókn Mirru. Í brennidepli rannsóknarinnar er jafnréttishugtakið í þess orðs víðustu merkingu og tengsl þess við nýjan og ört stækkandi þjóðfélagshóp, innflytjendur. Í stað þess að horfa aðeins á kynjajafnrétti – karlar, konur, og/eða allra kynja – líkt og tíðkast hefur í bæði í almennri og fræðilegri orðræðu á Íslandi undanfarna áratugi, beinir rannsóknin sjónum sínum líka að jafnrétti, sem lýtur að uppruna og virðingarstöðu, ásamt viðhorfum til einstakra starfsgreina. Út frá þessari breiðu sýn á jafnrétti varð markmiðið að kanna stöðu innflytjendakvenna, framgangsmöguleika, upplifun þeirra og reynslu af jafnrétti í praxís og bera saman hvað væri líkt og hvað væri ólíkt með hlutskipti þeirra og íslenskra kvenna í sömu stöðu, í ljósi yfirlýstrar jafnréttisstefnu atvinnurekenda sem og opinberrar jafnréttisstefnu.

Fyrir valinu urðu innflytjendakonur, sem starfa í launaðri umönnun á leikskólum í Reykjavík og á landsbyggð. Megin áhersla var lögð á að kanna hvernig upplifun þessara kvenna rímar við goðsögnina um hið rómaða jafnrétti á Íslandi þ.e. hina s.k. „jafnréttisparadís“ m.t.t. samtvinnunar annarra mismununarþátta.  Auk kyngervis (e. gender) var rýnt í mismunun á grundvelli uppruna þ.e. innflytjandi/ekki innflytjandi og í mismunun sem felst í rótgróinni vanvirðingu fyrir umönnunarstörfum. Til samanburðar er sjónum beint að íslenskum stallsystrum þeirra Rannsóknin byggir á bæði á eiginlegri og megindlegri aðferðarfræði auk úrvinnslu ýmiskonar ritaðra gagna.

Sú skýrsla sem hér er kynnt er alfarið höfundarverk dr. Hallfríðar Þórarinsdóttur. Rannsóknin hlaut styrk úr Jafnréttissjóði og kann höfundur sjóðnum bestu þakkir fyrir. Efling stéttarfélag fær sömuleiðis þakkir fyrir að aðstoða við leit að viðföngum og útvegun á húsnæði til viðtala.

Mirra vekur athygli á nýútkominni rannsóknarskýrslu, sem ber heitið: Jaðarsetning í jafnréttisparadís – Innflytjendakonur í umönnun á leikskólumSkýrslan byggir á rannsókn Mirru. Í brennidepli rannsóknarinnar er jafnréttishugtakið í þess orðs víðustu merkingu og tengsl þess við nýjan og ört stækkandi þjóðfélagshóp, innflytjendur. Í stað þess að horfa aðeins á kynjajafnrétti – karlar, konur, og/eða allra kynja – líkt og tíðkast hefur í bæði í almennri og fræðilegri orðræðu á Íslandi undanfarna áratugi, beinir rannsóknin sjónum sínum líka að jafnrétti, sem lýtur að uppruna og virðingarstöðu, ásamt viðhorfum til einstakra starfsgreina. Út frá þessari breiðu sýn á jafnrétti varð markmiðið að kanna stöðu innflytjendakvenna, framgangsmöguleika, upplifun þeirra og reynslu af jafnrétti í praxís og bera saman hvað væri líkt og hvað væri ólíkt með hlutskipti þeirra og íslenskra kvenna í sömu stöðu, í ljósi yfirlýstrar jafnréttisstefnu atvinnurekenda sem og opinberrar jafnréttisstefnu.

Fyrir valinu urðu innflytjendakonur, sem starfa í launaðri umönnun á leikskólum í Reykjavík og á landsbyggð. Megin áhersla var lögð á að kanna hvernig upplifun þessara kvenna rímar við goðsögnina um hið rómaða jafnrétti á Íslandi þ.e. hina s.k. „jafnréttisparadís“ m.t.t. samtvinnunar annarra mismununarþátta.  Auk kyngervis (e. gender) var rýnt í mismunun á grundvelli uppruna þ.e. innflytjandi/ekki innflytjandi og í mismunun sem felst í rótgróinni vanvirðingu fyrir umönnunarstörfum. Til samanburðar er sjónum beint að íslenskum stallsystrum þeirra Rannsóknin byggir á bæði á eiginlegri og megindlegri aðferðarfræði auk úrvinnslu ýmiskonar ritaðra gagna.

Sú skýrsla sem hér er kynnt er alfarið höfundarverk dr. Hallfríðar Þórarinsdóttur. Rannsóknin hlaut styrk úr Jafnréttissjóði og kann höfundur sjóðnum bestu þakkir fyrir. Efling stéttarfélag fær sömuleiðis þakkir fyrir að aðstoða við leit að viðföngum og útvegun á húsnæði til viðtala.

Vinna með, vinna að, vinna gegn – innflytjendur, vinnumarkaður, samfélag

Vinna með, vinna að, vinna gegn – innflytjendur, vinnumarkaður, samfélag

Á dögunum bað Rás 1  Mirru um að fjalla um ‘vinnu’ í stuttum pistli fyrir þátt, sem útvarpað er í hádegi og kallast Uppástand. Um er að ræða tiltekið  þema, sem unnið er með í tíu þáttum í senn með jafnmörgum höfundum. Mirra fjallaði að sjálfsögðu um tengsl innflytjenda og vinnu, og fór pistillinn í loftið 28. september.

“Vinnur þú hlustandi góður með fólki, sem kemur úr öðru landi, annarri menningu og á sér annað móðurmál en íslensku? Vinnur þú að því að halda dyrunum að íslensku samfélagi opnum fyrir innflytjendur? Áttu venslafólk eða vini úr hópi innflytjenda? Ertu í daglegum samskiptum við innflytjendur í vinnunni og/eða utan hennar? Ertu kannski meðvitað eða ómeðvitað í hópi þeirra heimamanna, sem hefur ekki gefið innflytjendum mikinn gaum? Finnst kannski þeir komi þér ekkert við, að það sé til einskis að vinna fyrir þig? Vinnur þú jafnvel gegn framgangi þeirra í samfélaginu, finnst þeim ofaukið á Íslandi? Þetta eru áleitnar spurningar en löngu tímabærar og mikilvægt að heimamenn velti þeim fyrir sér.

Á Íslandi búa orðið tugir þúsunda fólks úr annarri menningu, með annað móðurmál, siði og jafnvel allt aðra trúarafstöðu. Samkvæmt opinberum tölum má ætla að um fimmtungur allra starfandi á vinnumarkaði séu innflytjendur eða yfir fjörtíu þúsund manns. Skoðum þetta aðeins betur.”  ………… Hér má heyra allan pistilinn. 

 

Vinna með, vinna að, vinna gegn – innflytjendur, vinnumarkaður, samfélag

Á dögunum bað Rás 1  Mirru um að fjalla um ‘vinnu’ í stuttum pistli fyrir þátt, sem útvarpað er í hádegi og kallast Uppástand. Um er að ræða tiltekið  þema, sem unnið er með í tíu þáttum í senn með jafnmörgum höfunundum. Mirra fjallaði að sjálfsögðu um tengsl innflytjenda og vinnu, og fór pistillinn í loftið 28. september.

“Vinnur þú hlustandi góður með fólki, sem kemur úr öðru landi, annarri menningu og á sér annað móðurmál en íslensku? Vinnur þú að því að halda dyrunum að íslensku samfélagi opnum fyrir innflytjendur? Áttu venslafólk eða vini úr hópi innflytjenda? Ertu í daglegum samskiptum við innflytjendur í vinnunni og/eða utan hennar? Ertu kannski meðvitað eða ómeðvitað í hópi þeirra heimamanna, sem hefur ekki gefið innflytjendum mikinn gaum? Finnst kannski þeir komi þér ekkert við, að það sé til einskis að vinna fyrir þig? Vinnur þú jafnvel gegn framgangi þeirra í samfélaginu, finnst þeim ofaukið á Íslandi? Þetta eru áleitnar spurningar en löngu tímabærar og mikilvægt að heimamenn velti þeim fyrir sér.

Á Íslandi búa orðið tugir þúsunda fólks úr annarri menningu, með annað móðurmál, siði og jafnvel allt aðra trúarafstöðu. Samkvæmt opinberum tölum má ætla að um fimmtungur allra starfandi á vinnumarkaði séu innflytjendur eða yfir fjörtíu þúsund manns. Skoðum þetta aðeins betur.”  ………… Hér má heyra allan pistilinn. 

 

Ónýtt atkvæði hjá innflytjendum?

Ónýtt atkvæði hjá innflytjendum?

Tæplega fimmtíu þúsund innflytjendur höfðu kjörgengi í nýliðnum sveitarstjórnarkosningum þann 14. maí s.l. Kosningaþáttkaka var ekki nema 63% á landsvísu og hefur aldrei verið lægri. Er mögulegt að innflytjendur séu ekki að nýta sér kosningarétt sinn sem skyldi? Hafa þeir fengið nægar upplýsingar? Hver er ábyrgð gestgjafanna, heimamanna á því að virkja innflytjendur til þátttöku í íslensku samfélagi, þar með talið  til pólitískrar þátttöku. Hallfríður Þórarinsdóttir framkvæmdastjóri Mirru reifaði málið á visir.is.

Er það meiningin að útiloka innflytjendur, eða hvað?

Er það meiningin að útiloka innflytjendur, eða hvað?

Það er merkilegt hversu margir Íslendingar virðast frekar tala ensku við innflytjendur er íslensku. Hvers vegna skyldi þetta vera? Er það leti, skortur á umburðalyndi gagnvart íslensku með hreim, eða hreinlega meðvituð útilokun? Er enskan brú eða hindrun í samskiptum milli heimamanna og aðfluttra? Er okkur heimamönnum alvara með því að opna innflytjendum möguleika á að komast inn í samfélagið og verða eins virkir þáttakendur og mögulegt er eða lítum við fyrst og fremst á þá sem “vinnuafl”? Í þessum pistli veltir framkvæmdastjóri Mirru þessu fyrir sér og spyr áleitinna spurninga. 

Hér er líka fróðlegt viðtal  um sama efni við Jimmy Andreas Moreno, Kólumbískan flóttamann um reynslu hans af því að læra og tala íslensku. Viðtalið er nokkurra ára gamalt en erindið er jafnbrýnt nú og þá. 

70 þúsund innflytjendur á Íslandi – nauðsyn á vitundarvakningu og menningarfærni meðal heimamanna

70 þúsund innflytjendur á Íslandi – nauðsyn á vitundarvakningu og menningarfærni meðal heimamanna

Blaðakona frá Mannlífi hafði samband við Mirru og vildi fá viðtal við framkvæmdastjórann Hallfríði Þórarinsdóttur, forvitnast um bakgrunn hennar,  skyggnast inn í starf Mirru um innflytjendalandið Ísland og heyra hvaða áskoranir fylgdu breyttu samfélagi. Fyrirspurnin fékk góðar undirtektir og þær hittust á kaffihúsi og ræddu málin.

Þar kom fram að auk rannsókna, vinni Mirra „að fræðslu í formi fyrirlestra og námskeiða um innflytjendalandið Ísland, margmenningu og þjálfun í s.k. menningarfærni. Vitundarvakning um mikilvægi þess að margbreytileikinn fái notið sín, verður sífellt háværari. Það er ekki nóg að segjast vera jafnréttissinnaður heldur verður það að sjást í verki. Jafnrétti einskorðast ekki við kynjajafnrétti það er miklu víðtækara. Það þarf að taka tillit til menningarlegs uppruna, aldurs og fleiri þátta“. Hér má lesa viðtalið.

Vilja skapa fullt jafnrétti á vinnustað óháð uppruna – Mirra í samstarf með Samkaupum

Vilja skapa fullt jafnrétti á vinnustað óháð uppruna – Mirra í samstarf með Samkaupum

Samkaup vilja auka umræðu um málefni innflytjenda en fyrirtækið vill skapa starfsfólki sínu fullt jafnrétti óháð uppruna. Til þess að það sé mögulegt þarf að gera breytingar á skipulagi og menningu innan fyrirtækisins og fræða starfsfólk.

Það er ánægjulegt að segja frá því að Samkaup hafa í þeim tilgangi skrifað undir samstarfssamning við Mirru um margvíslega fræðslu til að lágmarka hættu á fordómum á vinnustaðnum, mæta þörfum starfsfólks af erlendum uppruna og tryggja að þau hafi full tækifæri til að þróast innan fyrirtækisins.

Undirskriftin fór fram í nýju Nettó búðinni í Mosfellsbæ 3. september.

Ætla alla leið í jafnrétti

Samstarf Mirru og Samkaupa er hluti af átakinu „Jafnrétti fyrir alla – Samkaup alla leið“ sem fer af stað í haust. Átakið felur í sér bætta ferla, fræðslufyrirlestra fyrir starfsfólk í verslunum Samkaupa um allt land, rafræna fræðslu og vinnufundi með stjórnendum. Sérstök áhersla verður lögð á að stjórnendur sýni gott fordæmi fyrir starfsfólk sitt og taki málefni jafnréttis til gagngerrar skoðunar með starfsmannahópnum á hverjum stað.

Nánar um Samkaup

Samkaup reka yfir 60 verslanir víðsvegar um landið undir vörumerkjunum Nettó, Krambúðin, Kjörbúðin, Iceland og Samkaup Strax. Mikil fjölbreytni einkennir starfsmannahópinn hjá Samkaupum en alls starfa 1.500 manns hjá fyrirtækinu í fullu starfi eða hlutastarfi.

 

Mannamunur á íslenskum vinnumarkaði

Mannamunur á íslenskum vinnumarkaði

Mirra vekur athygli á afar áhugaverðu málþingi, sem stéttarfélagið Efling, Starfsgreinasambandið (SGS) og Alþýðusamband Íslands (ASÍ) efna til og fjallar um stöðu erlends verkafólks á Íslandi. Málþingið er haldi  dagana 23.-26. febrúar.
Boðið verður upp á áhugaverða dagskrá í formi fyrirlestra og umræðna.

Um fjóra viðburði er að ræða sem verður streymt á miðlum samtakanna. Viðburðirnir verða textatúlkaðir á íslensku og ensku og fara fram .kl. 15:00–16:00 alla dagana og má nálgast hvern og einn fyrir neðan sama dag eftir að þeir eru sendir út.

Dagskráin hefst þriðjudaginn 23. febrúar þar sem fjallað verður um
Veruleika erlends fólks á Íslandi. Kristín Heba Gísladóttir, framkvæmdastjóri Vörðu – rannsóknarstofu ASÍ –  kynnir helstu niðurstöður nýrrar könnunar varðandi veruleika erlends starfsfólks á íslenskum vinnumarkaði. Í pallborði eru Anna Wojtynska, nýdoktor í mannfræði við HÍ og Hallfríður Þórarinsdóttir, framkvæmdastjóri Mirru. Drífa Snædal, forseti ASÍ, stýrir umræðum.

Fylgjast með viðburði 

Harkvinna og varnarleysi á íslenskum vinnumarkaði er  yfirskrift dagskrárinnar miðvikudaginn 24. Febrúar.  Þar mun Sólveig Anna Jónsdóttir, formaður Eflingar, stýra umræðum um aðstæður pólsks verkafólks á Íslandi. Í pallborði eru Adda Guðrún Gylfadóttir, félagsfræðingur, HÍ, Agnieszka Ewa Ziólkowska, varaformaður Eflingar og Piotr Roicki, fyrrverandi hótelstarfsmaður og félagi í Eflingu.

Hér má nálgast umræðurnar

Bjargvættir í íslenskri ferðaþjónustu er yfirskrift umræðunnar fimmtudaginn 25. Febrúar.  Þar leiðir Viðar Þorsteinsson, framkvæmdastjóri Eflingar, dagskrána um framlag erlends verkafólks til íslenskrar ferðaþjónustu. Magnfríður Júlíusdóttir, lektor í mannvistarlandfræði við HÍ flytur erindið: „Það á ekki að líta á starfsfólk í ferðaþjónustu sem einnota dót.” Arndís Ósk Magnúsdóttir, hjá Rannsóknarsetri Háskólans á Höfn talar um  „Upplifun erlends verkafólks í ferðaþjónustu í Covid“  og Guðbjörg Kristmundsdóttir, formaður Verkalýðs- og sjómannafélags Keflavíkur og nágrennis og formaður starfshóps ASÍ um uppbyggingu ferðaþjónustunnar, flytur erindið sem heitir: Notum tækifærið, byggjum upp fyrirmyndar ferðaþjónustu.

Hér má nálgast umfjöllunina um ferðaþjónustuna.

Vinnumansal – íslenskur veruleiki  er til umfjöllunar föstudaginn 26. febrúar kl., og er jafnframt síðast erindið á málþinginu.  Ragna Björg Guðbrandsdóttir, teymisstjóri framkvæmdateymis um mansal í Bjarkarhlíð, Logan Smith Sigurðsson, fórnarlamb mansals og formaður Stop the Traffik Iceland og  Margrét Steinarsdóttir, framkvæmdastjóri Mannréttindaskrifstofu Íslands og fulltrúi í framkvæmdateymi um mansal í Bjarkarhlíð sitja í pallborði.

Halla Gunnarsdóttir, framkvæmdastjóri ASÍ, stýrir umræðum.

Hér má nálgast umræðurnar.